Rundtur på Stavøya: Nordsjøløypa til Skarnipa og Humrevika jettegryter

​

Då isen smelta og landet steig, forma smeltevatnet fjordlandskapet slik vi kjenner det. Djupt i skogane finst likevel spor etter istida vi sjeldan ser. Går du Nordsjøløypa rundt Stavøya kan du fylgje stien innover i skogen til dei trolske jettegrytene i Humrevika før du går til toppen av Skaranipa. Her ventar eit vakkert rundskue over skjærgarden: Svanøy, Tviberg, Alden og Askrova blenkjer i havet kring deg.

​

Med mange skattar å oppdage undervegs i variert terreng, er dette ein familievennleg rundtur.

​

Ein kan starte turen frå det gamle skulehuset som no er Grendahus eller frå Langøykrysset, ein skogsvegen lenger ute på øya. Stiane er godt merka heile vegen.

Rundtur Skålefjell og Hornfjellet

​

Frå toppen av Skålefjell 765 moh kan du nyte utsikta både innover mot Førdefjorden og utover mot øyane i vest og Høydalsfjorden.

 

Rundturen tek til på «Vetleplassen»: Ein stor parkeringsplass på venstre sida av vegen like før Stavang, når du kjem frå Eikefjord. Den merka stien går i variert terreng og er til tider kupert. Landskapet endrar seg i takt med høgdemeterane og utsikta er til å miste pusten av.

 

Dette er ein tur som passar for deg som har grunnleggande turferdigheit

og er i normal fysisk form.

 

For detaljert informasjon og turkart - ut.no

 

Om turen:

Middels krevande tur | 10,8 km | 6 timar | 1218 høgdemeter totalt | Sesong: jun -okt

Ausevika Helleristningsfelt

​

Opplev eit av dei største helleristningsfelta i Norge!

Feltet viser over 300 ristningar, både dyre- og menneskefigurar, geometriske teikn, spiralar og labyrintar. Dei eldste teikna er over 3000 år gamle.

Ausevika ligg under Skålefjellet, som reiser seg mot sør i nærare 800 m høgde. Dette fjellet dannar avslutninga på eit fjellområde som strekkjer seg heilt inn til Jotunheimen.

 

Her er det parkeringsplass, sanitærbygg og publikumsramper med opplysningsskilt.

Om turen: Avstand frå Stavang Rorbuer 7 km |

Stavvikenipa​

 

Kort topptur i furuskog med utsikt til øyane vest og sør for Florø by.

​

Kjem du frå Stavang er det to små parkeringsplass/utkjøring på høgre side etter den knappe svingen ut for Stavvika, du finn skilt med parkering. Obs ikkje steng for ut og inn kjøyring! Kryss hovudvegen og følg traktorveg vestover ca 50 meter, då kjem stien til syne på venstre sida. Der er skilt som viser til "Staviknipa" og stien begynner bratt oppover. Er fint tråkk i furuskogen heile vegen opp til Stavvikenipa, 241 moh. Enkelte våte partier.

​

Obs: Ikkje gå utforbi varden på toppen, er høgt ned og sprekker i fjellet!

 

Om turen:

Middels krevande tur | 1,5 km | 45 min | 274 høgdemeter totalt | Sesong: heile året